Cahuín, clube de lectura da Revolteira
CAHUÍN é un espazo de encontro, lectura e reflexión colectiva onde compartir ideas, cuestionar realidades e descubrir outras maneiras de mirar o mundo.
A través de lecturas con perspectiva crítica, política, reivindicativa e sociocomunitaria, achegarémonos a diferentes voces, experiencias e historias, prestando especial atención á memoria colectiva e á tradición oral.
Como funciona?
📅 Encontros quincenais
Reunirémonos cada dúas semanas para dar continuidade ás lecturas, compartir impresións e ir construíndo un espazo de confianza e participación.
Primeiro encontro: mércores 4 de novembro, de 18:30 a 20:00 h.
DE BALDE. NECESARIA INSCRICIÓN PREVIA: cahuinclub@gmail.com
📚 As lecturas
Comunicaremos por correo electrónico o libro ou as páxinas propostas para cada encontro, para que cada quen poida organizarse ao seu ritmo.
💬 Os encontros
Ademais de conversar e debater sobre as lecturas, en cada sesión propoñeremos unha dinámica participativa, acompañada por unha persoa facilitadora, que nos axude a intercambiar perspectivas, afondar nos temas e construír reflexións colectivas dunha maneira creativa e enriquecedora.
📖 Ti tamén tes voz!
Podes propoñer libros, autoras, autores ou lecturas que che gustaría compartir co grupo. Queremos que CAHUÍN sexa un espazo construído entre todas as persoas participantes.
E o máis importante...
Non fai falta ser unha persoa experta en literatura, nin sequera ter lido todo o libro ou as páxinas propostas. Abonda con ter curiosidade, ganas de escoitar, compartir e revolver ideas!
